భారతీయత : 4 పుస్తకాల సెట్ Bharateeyata 4 vols ( Telugu )

Description

భారతీయుడై పుట్టి ధర్మమనే మాట ఎన్నడూ స్మరించనివాడు కన్న తల్లి దండ్రులను మరచినట్టే. మనకీ, ఇతర జాతులకు ఉన్న పెద్ద తేడా మనం నమ్ముకున్న ధర్మమే. నేడు మనదేశంలో ధర్మాల్ని మరపింపజేసింది ధనమే. దీనికోసం ఎన్ని పాపాలైనా మనుష్యులు చేస్తున్నారు. ఈ ధర్మానికి అనేక ముఖాలున్నాయి. సామాన్య ప్రజలు చేసే మహాపాపమూ లేదు. మహా పుణ్యమూ లేదు. వారిలో ధర్మాన్ని గురించిన చర్చ కాస్త జరిగితే, నైతికంగా వారిలో పెరిగిన ధర్మజ్ఞానం దేశాన్ని రక్షించగలదు. ధనమూ, విద్య, అధికారమూ పెద్ద స్థాయిలో అనుభవిస్తున్న వర్గానికి ఒక మోహం ఆవరించి ఉండడం చేత ఎవరి బోధలూ వారికి చేరలేవు. ఇక పేదవర్గానికి, శ్రమజీవులకు ధర్మబోధ చాలా వరకూ అనావశ్యకమూ, అసందర్భము. వారిలో ఉండే కించిత్ దైవభక్తి, పాపభీతి వాళ్ళ భవిష్యత్తులో వాళ్లని ఉన్నతస్థాయికి ఎదగనిస్తుంది. వారి వర్తమాన దారిద్య్రంలో పేదరికంలో పాపక్షయమూ అవుతుంది. వారికే దేశంలో మంచి భవిష్యత్ కనబడుతోంది. మధ్యతరగతిలో, ధర్మాన్ని స్మరించేవారు జ్ఞానమార్గంలో పెరగగలరు. ధర్మాన్ని విస్మరించిన ధనార్జన, దానం విస్మరించిన ధనపు మూటలు, అంతులేని లాభం, లోభం జీవనమార్గంగా కలిగినవారి దేశంలో పెద్దసంఖ్యే. వారి భవిష్యత్తు ధర్మదేవతే నిర్ణయిస్తుంది. ఈ విధంగా
ధర్మాన్ని గూర్చిన ప్రస్తావన ఏదోవిధంగా చేయడమే భారతీయత.